اوڈیشہ اس لوک سبھا اور اسمبلی انتخابات میں ایک نئی تاریخ رقم کرے گا: مودی

بھونیشور, 11 مئی (یو این آئی) وزیر اعظم نریندر مودی نے کہا ہے کہ اوڈیشہ اس لوک سبھا اور اسمبلی انتخابات میں ایک نئی تاریخ رقم کرے گا۔ مسٹر مودی نے جمعہ کی رات راجدھانی بھونیشور میں منعقد ایک میگاروڈ شو میں اوڈیشہ میں اپنی انتخابی مہم کے دوسرے مرحلے کا آغاز کیا۔ انہوں نے اپنے ایکس ہینڈل پر روڈ شو کی کچھ جھلکیوں کا



ویڈیو بھی اپ لوڈ کیا۔ وزیر اعظم نے ٹویٹ کیا، یہ واضح ہے کہ اوڈیشہ ان انتخابات میں تاریخ رقم کرے گا۔ بھونیشور میں روڈ شو کی جھلکیاں اہم ہیں۔ آج بھونیشور میں شاندار روڈ شو کے دوران اوڈیشہ کے لوگوں کا آشیر واد حاصل کرنا بہت خوشی کی بات ہے۔ جو چیز اسے اور بھی خاص بناتی ہے وہ یہ ہے کہ آج اکشے تر تیا ہے ، جو ریاست کا ایک بڑا تہوار ہے۔