آندھرا کی سیاست میں نیا موڑ، جگن موہن ریڈی کی والدہ نے پارٹی کے اعزازی صدر کا عہدہ چھوڑا

حیدرآباد، 8 جولائی (ذرائع) آندھرا پردیش میں حکمراں وائی ایس آر کانگریس کی میگا میٹنگ کے پہلے دن اس وقت ڈرامائی پیش رفت سامنے آئی جب پارٹی کی اعزازی صدر وائی ایس وجئے لکشمی، جنہیں وجےاما کے نام سے جانا جاتا ہے، نے کہا کہ وہ استعفیٰ دے رہی ہیں۔ وجے لکشمی نے کہا کہ وہ پڑوسی ریاست تلنگانہ میں اپنی بیٹی



وائی ایس شرمیلا کی قیادت میں سیاسی مہم میں شامل ہونے جا رہی ہیں۔ قابل ذکر بات یہ ہے کہ شرمیلا کی پارٹی کے اپنے بھائی کی تنظیم کے ساتھ 'ٹھنڈے' تعلقات ہیں۔ یہ اعلان وائی ایس وجئے لکشمی نے جمعرات کو پارٹی کے کنونشن میں تقریر کے اختتام پر کیا، ان کے بیٹے اور آندھرا کے سی ایم وائی ایس جگن موہن ریڈی بھی پروگرام میں موجود تھے۔