سلنڈر کی قیمت میں اضافہ سے خواتین کو سب سے زیادہ تکلیف: مہیلا کانگریس

نئی دہلی، 19 مئی (یو این آئی) کانگریس نے کہا ہے کہ ایل پی جی سلنڈر کی قیمت میں مسلسل اضافہ سے خواتین کو سب سے زیادہ نقصان ہو رہا ہے اور حکومت سے اس کی قیمت کم کرنے کا مطالبہ کیا جا رہا ہے، لیکن وہ قیمت گھٹانے کے بجائے کم کررہی ہے۔

مہیلا کانگریس کی صدر نیتا ڈی سوزا نے جمعرات کو یہاں پارٹی ہیڈکوارٹر میں ایک پریس کانفرنس میں کہا کہ حکومت نے قیمت کم کرنے کے بجائے آج ایل پی جی سلنڈر کی قیمت میں 3.50 روپے کا اضافہ



کر دیا ہے۔ گیس سلنڈر مہنگے ہونے کی وجہ سے ملک کی گھریلو خواتین چولہے کی طرف آنے پر مجبور ہو رہی ہیں اور اب گاؤں میں کھانا پکانے کے لیے لکڑی کا استعمال کیا جا رہا ہے۔

انہوں نے کہا کہ گیس سلنڈر ہر گھر کا مسئلہ ہے اور مہیلا کانگریس کی ممبران اور ملک کی دیگر خواتین حکومت سے پوچھتی ہیں کہ ایل پی جی کی قیمت کب کم ہوگی؟ حکومت کو اس کا جواب دینا چاہیے۔ کانگریس کے وقت پٹرول 71 روپے تھا لیکن آج 105 روپے فی لیٹر تک پہنچ گیا ہے۔