آرپی این جہاں چاہیں جائیں، بزدلی سے ہماری لڑائی نہیں لڑی جاسکتی: کانگریس

نئی دہلی، 25 جنوری (یو این آئی) کانگریس نے کہا ہے کہ اتر پردیش میں اس کی لڑائی تکبر کے خلاف ہے اور یہ لڑائی بزدلی سے نہیں بلکہ بہادری اور شدت کے ساتھ ہی لڑی جاسکتی ہے کانگریس ترجمان سپریہ شرینیت نے یہاں پارٹی ہیڈکوارٹر میں سینئر لیڈر آر پی این سنگھ کے پارٹی سے استعفیٰ دینے سے متعلق ایک سوال پر کہا کہ کانگریس اتر پردیش میں جو لڑائی لڑ رہی ہے، وہ بہادری سے ہی لڑی جاسکتی ہے اس کے لیے ہمت اورطاقت کی ضرورت ہے اور کانگریس کی ریاستی انچارج پرینکا



گاندھی واڈرا نے بھی کہا ہے کہ بزدل یہ جنگ نہیں لڑ سکتے۔

انہوں نے کہا کہ یہ حق اور سچ کی لڑائی ہے۔ کانگریس پارٹی جو لڑائی لڑ رہی ہے وہ مشکل ہے اور یہ لڑائی بہادری اور حوصلے سے ہی لڑی جا سکتی ہے کیونکہ یہ ایک متکبر حکومت کے خلاف لڑائی ہے جسے لڑنے کے لیے ہمت اور بہادری کی ضرورت ہے۔ ترجمان نے کہا کہ جوجہاں جارہا ہے اس کے لئے نیک خواہشات ہیں اور روشن مستقبل کی خواہش ہے لیکن انہیں امید ہے کہ شاید انہیں جلد پتہ چل جائے گا کہ شدت سے لڑائی لڑنا بہادروں کی علامت ہے۔