نئی دہلی، 16دسمبر (یو این آئی) نائب صدر ایم ونکیا نائیڈو نے طلبا یونینوں اور ٹریڈ یونینوں سے تنازعات اور مسائل کا بات چیت سے حل نکالنے کی درخواست کرتے ہوئے کہا کہ عوامی املاک کو نقصان پہنچانے سے قوم کا نقصان ہوتا ہے خالفت کو پرامن طریقہ سے رکھنا چاہئے۔ انہوں نے کہا کہ طلبا یونینوں اور ٹریڈ یونینوں کو مخالفت کرتے وقت اس کا خاص طورپر دھیان رکھنا چاہئے۔ انہوں نے کہاکہ عوامی املاک کو نقصان پہنچانا قوم کو نقصان پہنچانا
ہے۔
نائب صدر نے کام کرنے کی جگہوں پر تمام مزدوروں کا تحفظ، سیکورٹی اور صحت کو اولین ترجیح دینے پر زور دیتے ہوئے کہا کہ صحت مند مزدور بہتر خدمات فراہم کرسکتا ہے۔ اس سے معیشت میں اضافہ ہوتا ہے۔ انہوں نے کہا کہ مزدوروں کو تحفظ دستیاب کرانا مالکان کا فرض ہے تو مزدوروں کو پیداوار میں تعاون کرنا ضروری ہے۔ دونوں کے فرائض پر عمل سے ہی ملک آگے بڑھے گا اور طاقتور بنے گا۔ صنعت کا ہدف
’صحت مند مزدوروں کے ساتھ قومی املاک کی تعمیر‘ ہونا چاہئے۔