وینکیا نے کہا کہ کورونا کے خلاف ایک سال سے مہم جاری ہے

لکھنؤ، 15 اپریل (یواین آئی) وزیر اعظم ، وزیر داخلہ اور ملک کے تمام گورنروں کے ساتھ نائب صدر ایم وینکیا نائیڈو کی زیر صدارت کووڈ 19 کے 'ویکسین فیسٹیول' کے حوالے سے ایک میٹنگ ہوئی ، جس میں نائب صدر نے کہاکہ گزشتہ ایک سال سے کووڈ کے خلاف پورے ملک میں مہم چل رہی ہے جس میں ہم کامیاب بھی ہوئے ہیں انہوں نے بتایا کہ کووڈ19 کا دوسرا اسٹرین ملک میں تیزی سے پھیل رہا ہے۔ اس پر قابو پانے کے لئے ہمیں تمام حفاظتی



اقدامات کے ساتھ سوشل ڈسٹنسنگ کے ساتھ کام کرنا ہوگا۔

انہوں نے تمام گورنروں سے اپیل کی کہ وہ سیاسی جماعتوں ، مذہبی رہنماؤں ، یونیورسٹیوں کے وائس چانسلروں ، میئروں کے ساتھ میٹنگ کریں اور کورونا کو کنٹرول کرنے کے لئے اجتماعی کوششیں کریں اور کوویڈ ویکسینیشن کے کام کو تیز کریں اور لوگوں کو لازمی طور سے ماسک لگانے کے لئے تحریک دیں۔ پرنٹ اور الیکٹرانک میڈیا کے ذریعہ بھی آگاہی مہم چلائی جانی چاہئے۔