وینزویلا نے پومپيو کے بیان کی مذمت کی

کراکس، 7 مئی (رائٹر) وینزویلا نے صدر نکولس مدرو کی حکومت کے بارے میں امریکی وزیر خارجہ مائیک پومپيو کے تبصرہ کی مذمت کی ہے۔

اس سلسلہ میں وینزویلا کی وزارت خارجہ نے ایک بیان جاری کرکے مسٹر پومپيو کے اس بیان کی مذمت کی ۔

وینزویلا نے ٹرمپ حکومت کی جانب سے اس پر لگائی گئی اقتصادی پابندیوں کا حوالہ دیتے ہوئے کہا کہ مسٹر پومپيو اپنی حکومت کے سخت اور یکطرفہ فیصلوں کے نتائج كو چھپانے کی کوشش کر رہے ہیں اور وینزویلا کی اصل صورتحال کے لئے جھوٹی تشویش کا دعوی کر رہے ہیں۔

مسٹر پومپيو نے گزشتہ روز اپنے ایک بیان میں کہاتھا، "وینزویلا میں آج ایک تانا شاہ اپنی معیشت کو برباد کرنے کے



علاوہ اپنے لوگوں کو بھوکا مار رہا ہے‘‘۔مسٹر پومپيو نے امریکی وزارت خارجہ سے شورش زدہ وینزویلا سے نقل مکانی کر رہے لوگوں کی مدد کرنے کی اپیل کی ہے۔

قابل غور ہے کہ اقوام متحدہ کی ایک رپورٹ کے مطابق 2015 سے 2017 کے درمیان تقریبا 10 لاکھ لوگ وینزویلا سے نقل مکانی کر چکے ہیں۔ وینزویلا کے سماج وادی اقتصادی نظام کے خاتمے کے نتیجے میں غذائی قلت اور بیماریوں کے بڑھتے ہوئے واقعات سے بچنے کے لئے لوگ وہاں سے بڑی تعداد میں نقل مکانی کر رہے ہیں۔

مسٹر مدرو نے وینزویلا کی اس صورتحال کے لئے امریکہ کی طرف سے عائد اقتصادی پابندیوں کے علاوہ اپوزیشن کو ذمہ دار ٹھہرایا ہے۔

رائٹر،اظ