ورون اور مینکا گاندھی کو قومی ایگزیکٹو کی نئی فہرست میں جگہ نہیں ملی

نئی دہلی ، 07 اکتوبر (یو این آئی) ممبر پارلیمنٹ ورون گاندھی اور ان کی والدہ مینکا گاندھی کو بھارتیہ جنتا پارٹی (بی جے پی) کی قومی ایگزیکٹو کی نئی فہرست میں جگہ نہیں ملی ہے ، جس کے بارے میں یہ خیال کیا جارہا ہے کہ مسٹر گاندھی کو پارٹی کے خلاف باغیانہ تیور کی وجہ سے یہ سزا ملی ہے۔پارٹی کے تمام اہم فیصلوں میں قومی ایگزیکٹو کا بڑا کردار ہوتا ہے۔

کچھ عرصے سے مسٹر گاندھی کسانوں کے مسئلے پر اپنی



حکومت کو کٹہرے میں کھڑا کر رہے تھے۔ لکھیم پور کھیری تشدد کے بعد وہ باغیانہ انداز میں سوشل میڈیا پر کھل کر لکھ رہے ہیں۔

جمعرات کو مسٹر گاندھی نے ایک وائرل ویڈیو ٹویٹ کیا جس میں ایک جیپ احتجاج کرنے والے کسانوں کو کچلتی ہوئی دکھائی دے رہی ہے۔

مسٹر گاندھی نے لکھا ، "ویڈیو بالکل واضح ہے۔ مظاہرین کو قتل کرکے خاموش نہیں کیا جاسکتا۔ کسانوں کے خون کا حساب ہونا چاہیے اور کسانوں کو انصاف ملنا چاہیے۔