یونیفارم سول کوڈ ملک میں خلفشار پیدا کرنے والا اور آئیڈیا آف انڈیا کے خلاف۔ انڈین نیشنل لیگ کے صدر محمد سلیمان

انہوں نے کہا کہ یونیفارم سول کوڈ (یو سی سی ) آئین میں ایک مشورہ ہے، لازمی نہیں ہے ، جس طرح شراب پر پابندی،سب کو تعلیم و غیر ہ جیسے مشورے دئے گئے ہیں۔ اسی طرح یو سی سی کے بارے میں مشورے دئے گئے ہیں۔ آئین کا لازمی حصہ نہیں ہے۔ انہوں نے کہا کہ آئین بہت ساری باتیں لازمی طور پر کہی گئی ہیں شراب پر پابندی کی بات کہی گئی ہے لیکن اس سلسلے میں حکومت قطعی سنجیدہ نہیں ہے۔ انہوں نے کہا کہ ان کا تعلق عوام کے روز مرہ زندگی سے منسلک ہے لیکن حکومت یو سی سی کے سلسلے میں اس لئے مستعد کیوں کہ اس سے اس کی سیاسی ایجنڈہ کی



تکمیل ہوتی ہے۔ انہوں نے دعوی کیا کہ اس کا واحد مقصد مسلمانوں

کو پریشان کرنا ہے۔

مسٹر محمد سلمان نے کہا کہ ہندوستانی سماج ایک متنوع سماج ہے ، سب کے الگ الگ طریقے ہیں ، شادی بیاہ کے الگ الگ رواج ہیں جن کی وہ پاسداری کرتے ہیں۔ انہوں نے کہا کہ اس کے علاوہ یہ اقلیتوں کو آئین میں دئے گئے دفعات 25 سے 30 کے حقوق کے بھی خلاف ہے۔ انہوں نے کہا کہ مسلمان ہی نہیں دیگر اقلیتی عیسائی، سکھ ، بدھسٹ، جین وغیرہ بھی یونیفارم سول کوڈ کو قبول نہیں کریں گے۔ انہوں نے اس ضمن میں آل انڈیا مسلم پرسنل لاء بورڈ کی حکمت عملی کی تعریف کرتے ہوئے کہا کہ آئیڈیا آف انڈیا کے خلاف چیلنج کو وہ بخوبی سمجھ رہا ہے اور اس کے خلاف حکمت عملی کے ساتھ بخوبی لڑ رہا ہے۔ انہوں نے کہا کہ اچھی بات یہ ہے کہ ملک کا ایک بڑا طبقہ نے حکومت کے اس بیچ پر کھیلنے سے انکار کر دیا ہے جس کی وجہ سے حکومت پریشان ہے اور اسے ہند و مسلم کے درمیان بانٹنے کے لئے کوشاں ہے۔