عمرہ زائرین ماسک کا استعمال کریں

یواین آئی

ریاض:سعودی عرب کے ادارہ امن عامہ نے کہا ہے کہ مسجد الحرام میں آنے والے عمرہ زائرین احتیاطی تدابیر کے تحت ماسک کا استعمال کریں۔میڈیاذرائع کے مطابق امن عامہ کے ایکس (ٹوئٹر) اکاؤنٹ پر جاری اہم ہدایات میں کہا گیا ہے کہ ماسک کے استعمال سے انفیکشن اور دیگر مسائل سے بچا جا سکتا ہے۔

واضح رہے ان دنوں مسجدالحرام اور مسجد نبوی میں



رش ہے اور اس سے بچاؤ کا واحد طریقہ ماسک کا استعمال کیا جائے۔احتیاطی تدابیر کے حوالے سے ادارے کے ذمہ دار کا کہنا تھا کہ پرہجوم مقامات پر خصوصا سانس کی بیماری میں مبتلا اور معمرافراد کے لئے ماسک کا استعمال انتہائی ضروری ہوتا ہے۔رمضان المبارک میں عمرہ اور نمازوں کی ادائیگی کے لئے حرمین شریفین آتے وقت ماسک کا استعمال جاری رکھیں تاکہ مختلف بیماریوں سے محفوظ رہ سکیں۔