سنکرانتی تہوار کے موقع پر ٹی ایس آر ٹی سی کی خصوصی بسیں

حیدرآباد، 4 جنوری (ذرائع) تلنگانہ اسٹیٹ روڈ ٹرانسپورٹ کارپوریشن (ٹی ایس آر ٹی سی) نے سنکرانتی تہواروں کے دوران اپنے آبائی شہروں کو جانے والے لوگوں کے لیے 4,484 خصوصی بسوں کا انتظام کیا ہے۔ یہ بسیں 6 سے 15 جنوری تک حیدرآباد سے ریاست اور پڑوسی ریاستوں آندھرا پردیش، کرناٹک اور مہاراشٹر کے مختلف مقامات پر چلانے کا منصوبہ بنایا جا رہا ہے۔ خواتین



کے لیے مفت سفر کی سہولت بھی ان خصوصی بسوں میں لاگو ہوگی لیکن صرف ریاستی سرحدوں تک-

ٹی ایس آر ٹی سی کے منیجنگ ڈائریکٹر وی سی سجنار نے کہا کہ سنکرانتی پر شہریوں کو محفوظ طریقے سے ان کی منزلوں تک پہنچانے کے لیے تمام ضروری انتظامات کیے گئے ہیں اور اس بات کو یقینی بنانے کے لیے جگہ جگہ اقدامات کیے گئے ہیں کہ مسافروں کو کسی قسم کی تکلیف کا سامنا نہ کرنا پڑے-