کووڈ۔19 سے امریکہ میں حالات مزید بد تر ہوں گے:ٹرمپ

واشنگٹن ، 22جولائی(یواین آئی)صدر ڈونلڈ ٹرمپ نے تسلیم کیا ہے کہ کورونا وائرس سے ملک میں حالات بہتر ہونے سے پہلے مزید بد تر ہوں گے۔ امریکہ میں اس خطرناک بیماری سے ہلاک شدگان افراد کی تعداد ایک لاکھ 45 ہزار اور بیماروں کی تعداد 40 لاکھ تک جا پہنچی ہے۔وائٹ ہاؤس میں بغیر ماسک لگائے پریس کانفرنس کرتے ہوئے صدر ٹرمپ نے لوگوں پر زور دیا کہ وہ ماسک پہنیں اورکہا کہ وہ خود بھی ماسک اپنے ساتھ رکھتے ہیں۔

دوسری جانب امریکہ کے سینٹر فار ڈزیز کنٹرول نے تسلیم کیا ہے کہ ملک میں



کورونا کے شکار افراد کی اصل تعداد رپورٹ کیے گئے کیسز سے کم سے کم تیرہ گنا زیادہ ہے۔ نیویارک، کیلی فورنیا، فلوریڈا، ٹیکساس اور نیوجرسی سب سے زیادہ متاثر ہیں۔

پچاس روز بعد ملک میں پھر سے روزانہ ایک ہزار افراد کی اموات بھی ہونے لگی ہیں جبکہ صرف کیلی فورنیا میں بیماروں کی تعداد چار لاکھ تک پہنچ گئی ہے۔

امریکی حکام نے یہ بھی الزام لگایا ہے کہ دو مشتبہ ہیکرز نے امریکہ میں تیار کی جانیوالی ویکسین کا ڈیٹا چین کے لئے چرانے کی کوشش کی ہے۔

یواین آئی،اظ