کیا ٹی آرایس کے ایم پیز مودی سے خوفزدہ ہیں؟ریونت ریڈی کا سوال

حیدرآباد۔ 11مارچ (یو این آئی) تلنگانہ کانگریس کے رکن پارلیمنٹ ریونت ریڈی نے ریاستی وزیر انفارمیشن ٹکنالوجی کے تارک راما راو کو کھلامکتوب روانہ کرتے ہوئے ان سے پوچھا ہے کہ پٹرول،ڈیزل اور ایل پی جی کی قیمتوں میں اضافہ پر ٹی آر ایس کے ارکان پارلیمنٹ،ایوان میں کیوں لب کشائی سے گریز کررہے ہیں؟انہوں نے سوال کیا کہ آیا تلنگانہ



کی حکمران جماعت کے ارکان پارلیمنٹ نریندر مودی سے خوفزدہ ہیں یا پھر مرکز کی پالیسیوں پر انہوں نے مفاہمت کرلی ہے؟انہوں نے کہاکہ ٹی آرایس کے ارکان پارلیمنٹ ایوان میں نظر نہیں آرہے ہیں۔

انہوں نے مضحکہ اڑاتے ہوئے کہا کہ مجوزہ ایم ایل سی انتخابات میں عوامی حمایت حاصل کرنے کے لئے حکومت،اے پی کے وشاکھااسٹیل پلانٹ کی حمایت کررہی ہے۔