کرناٹک میں کووڈ- 19 کی نئی شکل سے متاثرہ تین معاملے

بنگلور، 29 دسمبر (یو این آئی) کرناٹک میں کورونا وائرس (کووڈ19) کی نئی شکل سے متاثرہ تین مریضوں کی تصدیق کی گئی ہے ریاستی وزیر صحت کے سدھاکر نے منگل کے روز یہاں اس کی تصدیق کرتے ہوئے بتایا کہ کووڈ19 کی نئی شکل سے متاثرہ مریضوں میں ماں اور بیٹی بھی شامل ہیں۔ تینوں مریضوں کو قرنطینہ مرکز میں رکھ کر ان کا علاج کیا جارہا ہے ڈاکٹر سدھاکر نے ٹویٹ کیا کہ ایک 34 سالہ خاتون جو 19 نومبر کو برطانیہ سے



واپس آئی تھی اور اس کی چھ سالہ بچی کورونا وائرس کی نئی شکل میں مبتلا پائی گئیں ۔دونوں کو وکٹوریہ اسپتال میں داخل کرایا گیا ہے۔ دونوں مریضوں میں کوئی علامات ظاہر نہيں ہوئے ہیں۔انہیں 28 دنوں کے لئے قرنطینہ میں رکھا جائے گا۔

انہوں نے بتایا کہ پیر کی شام تک کم از کم 1766 مسافر برطانیہ سے کرناٹک واپس آئے ہیں ، ان میں سے 27 کورونا وائرس سے متاثر پائے گئے ہیں ، جبکہ 355 کی جانچ رپورٹ کا انتظار ہے۔