حماس کے ڈپٹی لیڈر صالح العاروری ڈرون حملے میں ہلاک:اسرائیل ڈیفنس فورسزکادعوی

ذرائع:

اسرائیل:اسرائیل ڈیفنس فورسز (آئی ڈی ایف) نے منگل کے روز دعویٰ کیا ہے کہ اس نے لبنان میں حماس کے ڈپٹی لیڈر صالح العاروری کو ڈرون حملے میں ہلاک کر دیا ہے۔ حماس نے قتل کی تصدیق کر دی ہے، حالانکہ آئی ڈی ایف نے ابھی تک اس حوالے سے کوئی سرکاری بیان جاری نہیں کیا ہے۔ رپورٹ کے مطابق اس ڈرون حملے میں چار افراد ہلاک ہوئے ہیں جن میں العاروری بھی شامل ہے۔ العاروری سمیت حماس کے تمام بڑے رہنما 7 اکتوبر سے اسرائیل کے نشانے پر



ہیں۔ اسرائیل نے اعلان کیا ہے کہ وہ حماس کے رہنماؤں کو زندہ نہیں چھوڑے گا۔

حماس گروپ کے سینیئر عہدیدار عزت الرشق نے ایک بیان میں کہا کہ 'صیہونی قبضے کی طرف سے فلسطین کے اندر اور باہر ہمارے فلسطینی عوام کے رہنماؤں اور علامتوں کے خلاف کئے جانے والے بزدلانہ قتل ان کے عزم اور ارادے کو توڑنے میں کامیاب نہیں ہوں گے۔ انہوں نے دعویٰ کیا کہ یہ حملہ ایک بار پھر ثابت کرتا ہے کہ دشمن غزہ کی پٹی میں اپنے کسی جارحانہ مقاصد کو حاصل کرنے میں بری طرح ناکام رہا ہے۔