بی جے پی اقتدار کے لئے کسی بھی حد تک جاسکتی ہے : گہلوت

جے پور، 22 فروری (یواین آئی) راجستھان کے وزیر اعلی اشوک گہلوت نے بھارتیہ جنتا پارٹی (بی جے پی) پر پڈوچیری میں کانگریس حکومت کو غیر اخلاقی طور سے گرانے کا الزام عائد کرتے ہوئے کہا ہے کہ اس نے پڈوچیری میں یہ ظاہرکردیا ہے کہ وہ کسی بھی حد تک طاقت کے حصول کے لئے جاسکتی ہے۔

مسٹر



گہلوت نے یہ بات پوڈوچیری میں اعتماد کے ووٹ سے محروم ہونے کے بعد کانگریس کی حکومت گرنے کے بعد سوشل میڈیا کے ذریعہ اپنے ردعمل میں کہی۔

انہوں نے کہا کہ پڈوچیری میں کانگریس کی حکومت کو غیر اخلاقی انداز میں گرا کر بی جے پی نے یہ ظاہر کردیا ہے کہ وہ اقتدار کے لئے کسی بھی حد تک جاسکتی ہے۔