مقامی نوجوانوں کو روزگار کامطالبہ۔تلنگانہ جناسمیتی نے چلو اسمبلی کا اعلان

حیدرآباد12ستمبر(یواین آئی)مقامی نوجوانوں کے لئے روزگار کے مواقع کے مقصد سے پڑوسی ریاست آندھراپردیش کے خطوط پر قانون بنانے کامطالبہ کرتے ہوئے تلنگانہ جناسمیتی نے اس ماہ کی 21تاریخ کو چلو اسمبلی احتجاج کا اعلان کیا ہے۔

پارٹی کے صدر پروفیسر کودنڈارام نے نامپلی میں واقع پارٹی کے دفتر میں میڈیا



سے بات کرتے ہوئے کہا کہ ریاست بھر میں خالی سرکاری ملازمتوں کو پُر کیاجائے اور نوجوانوں کو روزگار کے مواقع فراہم کئے جائیں،اسی مطالبہ کے ساتھ ان کی پارٹی چلو اسمبلی کی اپیل کرتی ہے۔

انہوں نے نشاندہی کی کہ ریاست بھر میں 1.48لاکھ ملازمتیں خالی ہیں،نئے اضلاع،نئے منڈلوں میں تقریبا50ہزار ملازمتیں خالی ہیں۔