تلنگانہ کے سی آر کے محفوظ ہاتھوں میں : کے ٹی آر

حیدرآباد، 4 اگسٹ (ذرائع) تلنگانہ اسمبلی میں وزیر صنعت کے ٹی راما راؤ نے کہا کہ بی آر ایس مسلسل تیسری مدت کے لیے حکومت بنائے گی، اور کہا کہ ریاست تلنگانہ چیف منسٹر کے چندر شیکھر راؤ کے محفوظ ہاتھوں میں ہے، جو ریاست میں فرقہ وارانہ ہم آہنگی کو یقینی بنارہے ہیں۔

جے پور واقعہ کی مذمت کرتے ہوئے کہا کہ ایک آر پی ایف افسر نے شہر حیدرآباد کے علاقے بازار گھاٹ کے رہنے والے سیف الدین سمیت چار افراد کو ہلاک کر دیا، وزیر نے کہا کہ



ریاستی حکومت متوفی کے خاندان کو ہر طرح کی مدد فراہم کرے گی۔

بھارت راشٹرا سمیتی (BRS) کے پارٹی فنڈز سے، سیف کے تین بچوں کے لیے دو-دو لاکھ روپے کی فکسڈ ڈپازٹ کے گی، اس کے علاوہ متوفی کی اہلیہ انجم شاہین کو ایک ڈبل بیڈروم مکان بھی منظور کیا جائے گا۔

بتادیں کہ چندرائن گٹہ سے مجلس کے رکن اسمبلی اکبرالدین اویسی نے سیف الدین کے افراد حاندان کی مدد کرنے کے لیے آواز بلند کی تھی جسے کے ٹی آر نے اس واقع پر افسوس ظاہر کرتے ہوئے مثبت ردعمل دیا-