سبحان خان نے جان کو خطرے میں ڈال کر 9 جانیں بچائی

حیدرآباد،3 اگسٹ (ذرائع) ان دنوں ہریانہ کے سبحان خان کا تلنگانہ میں کافی چرچا ہو رہا ہے۔ آندھرا پردیش اور تلنگانہ میں شدید سیلاب کے درمیان سبحان خان نے بلڈوزر کا استعمال کرتے ہوئے پل پر پھنسے نو افراد کو بچایا۔سبحان نے پل کے اوپر سے بہتے طوفانی تیز پانی  کے درمیان بلڈوزر چلایا اور اس پر پھنسے ہوئے پورے گروپ کے ساتھ واپس ہوئے۔ دراصل، تلنگانہ کے کھمم ضلع میں پانی کی سطح بڑھنے کے بعد نو لوگ مننیرو ندی پر بنے پرکاش نگر پل پر پھنس گئے۔ انہوں نے ایک ویڈیو ریکارڈ کیا اور ریاستی حکومت سے انہیں بچانے کی درخواست کی۔ ریاستی حکومت نے



ایک ہیلی کاپٹر تعینات کیا، لیکن خراب موسم کی وجہ سے وہ موقع پر نہیں پہنچ سکا۔جب کافی دیر تک کوئی مدد نہ پہنچی تو سبحان خان نے اپنا بلڈوزر لے کر پھنسے ہوئے گروپ کو بچانے کا فیصلہ کیا۔

ویڈیو میں ایک آواز سبحان خان کی بیٹی کی بھی ہے، جس میں وہ کہہ رہی ہیں کہ ’میں کانپ رہی ہوں، میرے والد نے جو ٹھان تھا، وہ کرنے میں کامیاب رہے‘۔اس جرأت مندانہ ریسکیو آپریشن کے بعد سبحان خان کو کافی مقبولیت ملی۔ لوگ حقیقی زندگی کے ہیرو اور دوسروں کو بچانے کے لیے اپنی جان خطرے میں ڈالنے کے انکی ہمت کی تعریف کر رہے ہیں۔سوشل میڈیا پلیٹ فارم ایکس پر ایک پوسٹ میں، بی آر ایس لیڈر نے کہا کہ انہوں نے سبحان خان کو فون پر مبارکباد دی۔