پولیس رویہ کے خلاف تلنگانہ بی جے پی کے صدر کا احتجاج جاری

حیدرآباد27اکتوبر(یواین آئی)تلنگانہ بی جے پی کے صدر و رکن پارلیمنٹ بنڈی سنجے،پولیس رویہ کے خلاف کریم نگرضلع میں واقع اپنے دفتر میں اپنا احتجاج جاری رکھے ہوئے ہیں جنہوں نے الزام لگایا کہ گذشتہ روزان کی پارٹی کے اسمبلی حلقہ دوباک کے امیدوار سے ملاقات سے انہیں روک دیاگیا اور انہیں زبردستی پولیس کی گاڑی میں بٹھا کر کریم نگر



چھوڑدیاگیا۔

گذشتہ روز سدی پیٹ ضلع کے دوباک اسمبلی حلقہ کے بی جے پی امیدواررگھونندن راو کے رشتہ دار کے مکان پر چھاپہ مارتے ہوئے پولیس نے 18.67لاکھ روپئے رقم ضبط کی تھی۔

پولیس کی جانب سے امیدوار کے مکان پر چھاپہ مارنے کی اطلاع کے فوری بعد بنڈی سنجے ان سے ملاقات کے لئے سدی پیٹ جارہے تھے تاہم پولیس نے ان کو راستہ میں ہی روک دیا۔