تلنگانہ اسمبلی کا بجٹ اجلاس 24 جولائی سے شروع ہونے کا امکان

حیدرآباد، 11 جولائی (اعتماد) تلنگانہ قانون ساز اسمبلی کا بجٹ اجلاس  24 جولائی سے شروع ہوگا ۔2023 میں اسمبلی انتخابات ہوئے، کانگریس پارٹی اقتدار میں آئی۔ اس کے بعد سرمائی اجلاس منعقد ہوا  ۔ بجٹ اجلاس کے انعقاد کے سلسلے میں اسمبلی اسپیکر  پرساد کمار نے آج اسمبلی میں جائزہ اجلاس منعقد کیا ۔ اجلاس میں



گورنمنٹ ویپ، چیف سیکریٹری، ڈی جی پی اور دیگر افسران نے شرکت کی۔ مرکزی حکومت اس ماہ کی 23 تاریخ کو قومی بجٹ پیش کرنے جا رہی ہے ڈپٹی چیف منسٹر اور وزیر فینانس بھٹی وکرمارکا نے پہلے ہی کہا تھا کہ ریاستی بجٹ  مرکزی بجٹ  کے مطابق تیار کیا جائے گا۔ دریں اثنا، ابھی یہ واضح نہیں کیا گیا ہے کہ  بجٹ اجلاس کتنے دنوں کے لئے منعقد ہوگا۔