تیلگو دیشم پارٹی مسلمانوں کے تمام جائز مطالبات کی حامی، مسلم پرسنل لا بورڈ کو وزیر اعلیٰ چندرا بابو نائیڈو کی یقین دہانی

جنرل سکریٹری بورڈ نے وزیر اعلیٰ کا شکریہ ادا کرتے ہوئے



کہا کہ آپ ہی کی ہدایت پر اور آپ ہی کے ممبران پارلیمنٹ کی کوششوں سے یہ بل جوائنٹ پارلیمانی کمیٹی کو سونپا گیا۔ اب تک حکومت کا یہ معمول رہا ہے کہ وہ اہم بل پارلیمنٹ میں پیش کرنے سے قبل متعلقہ گروپوں سے مشورہ کرتی تھی۔ اس سے قبل جتنی بار بھی وقف سے متعلق کو کی ترمیمی بل پارلیمنٹ میں لایا گیا، مسلمانوں کی معتبر جماعتوں اور مقتدر دینی و ملی شخصیات سے مشورہ ضرور کیا گیا۔ لیکن اس بار پہلی مرتبہ بغیر کسی مشورہ کہ ایسی ترمیمات تجویز کی گئیں جو وقف کی منشاء اور موقف اور وقف کے پورے تصور اور اس کی حیثیت کو بری طرح متاثر کر دیتی ہیں اور وقف املاک پر قبضوں کا راستہ ہموار کرتی ہیں۔