پیگاسس جاسوسی واقعہ کی جانچ سپریم کورٹ کی نگرانی میں ہو:مایاوتی

لکھنؤ:29جولائی(یواین آئی)بہوجن سماج پارٹی(بی ایس پی)سپریمو مایاوتی نے مبینہ طور سے پیگاسس جاسوسی معاملے کی جانچ سپریم کورٹ کی نگرانی میں کرانے کا مطالبہ کیا ہے محترمہ مایاوتی نے جمعرات کو اپنے ٹوئٹ میں لکھا'پارلیمنٹ کا رواں مانسون سیشن ملک،مفاد عامہ و کسانوں وغیرہ کے کافی ضروری مسائل پر حکومت و اپوزیشن کے درمیان عدم اعتماد و بھاری ٹکراؤ کی وجہ سے یہ



سیشن چل نہیں پارہا ہے۔ پیگا سس جاسوسی واقعہ بھی کافی گرم ہے۔ پھر بھی مرکز اس مسئلے کی جانچ کرانے کو تیار نہیں ہے۔ ملک کو کافی تشویش۔

انہوں نے کہا'ایسے میں بی ایس پی سپریم کورٹ سے یہ اپیل کرتی ہے کہ وہ ملک میں سرخیوں میں رہنے والے پیگاسس جاسوسی واقعہ کے معاملے کا خود ہی نوٹس لے کر اس کی جانچ اپنی نگرانی میں کرائے تاکہ اس کے سلسلے میں سچائی عوام کے سامنے آسکے۔