سپریم کورٹ نے نوپور کو 10 اگست تک گرفتاری سے راحت دی

نئی دہلی، 19 جولائی (یو این آئی) سپریم کورٹ نے منگل کو بھارتیہ جنتا پارٹی (بی جے پی) کی معطل لیڈر نوپور شرما کو 10 اگست تک گرفتاری سے عبوری راحت دے دی، جو پیغمبر اسلام کے بارے میں مبینہ طور پر قابل اعتراض تبصرہ کے لیے کئی ریاستوں میں فوجداری مقدمات کا سامنا کر رہی ہیں۔

جسٹس سوریہ کانت اور جسٹس جے بی۔ پردی والا کی بنچ نے پیغمبر محمد صلی اللہ علیہ وسلم تنازع سے متعلق معاملے میں نوپور کی نئی درخواست پر سماعت کرتے ہوئے یہ راحت دی۔

بنچ نے متعلقہ ریاستی حکومتوں/ پارٹیوں کو حکم دیا کہ وہ اس معاملے میں اگلی سماعت کے لیے 10 اگست تک نوپور کے خلاف کوئی زبردستی



کارروائی نہ کریں۔

بنچ نے مغربی بنگال میں مقدمہ کے اندراج کے بارے میں عرضی گزار کے وکیل منیندر سنگھ کی اطلاع پر یہ بھی واضح کیا کہ اب تک درج مقدمات کے ساتھ ساتھ اس سلسلے میں درج کیے جانے والے کیس/مقدمات (اگر کوئی ہیں)، نوپور کو تعزیری کارروائی سے عبوری راحت ملے گی۔

عدالت عظمیٰ نے دہلی، اتر پردیش، مغربی بنگال، مہاراشٹر، تلنگانہ اور کرناٹک اور دیگر ریاستوں کو ان کی درخواست پر نوٹس جاری کیا جس میں اس نے ان ریاستوں میں (پیغمبر اسلام کے بارے میں متنازعہ ریمارکس کے سلسلے میں) ان کے خلاف فوجداری مقدمات درج کیے تھے۔ انہیں منسوخ کرنے یا دہلی منتقل کرنے کی درخواست کی گئی۔