سیتا رمن نے پیرومل گاندھی سے ملاقات کی

نئی دہلی/سین فرانسسکو، 27 اپریل (یو این آئی) امریکہ کے دورہ پر گئیں مرکزی وزیر خزانہ نرملا سیتا رمن نے بدھ کو فوڈ اسٹارٹ اپ پرفیکٹ ڈے کے شریک بانی پیرومل گاندھی سے ملاقات کی اور ان (مسٹر گاندھی) سے ملک میں کاروبار آپریشنز کو بڑھانے کے لیے ہر ممکن مدد کی پیشکش کی۔ پرفیکٹ ڈے فوڈس سلی کون ویلی میں واقع ایک معروف سن بیو/بایو ٹیک اسٹارٹ اپ ہے جس نے جانوروں کے ذرائع کا استعمال کرنے کی بجائے مائکروبیل فرمینٹیشن کے ذریعے دودھ پروٹین بنانے کی ٹیکنالوجی تیار کی ہے۔

بائیو انجینئرز ریان پانڈیا اور پیرومل گاندھی نے 2014 میں



برکلے، کیلیفورنیا میں پرفیکٹ ڈے کی شروعات کی تھی۔

سان فرانسسکو میں وزیر خزانہ کے ساتھ اپنی ملاقات کے دوران مسٹر گاندھی نے پرفیکٹ ڈے کی ترقی کے منصوبے پر تبادلہ خیال کیا اور کمپنی کو بڑھانے اور میک ان انڈیا مہم میں شامل ہونے کے لیے ہندوستان میں سرمایہ کاری کرنے کی بات کہی۔ انہوں نے کہا کہ پرفیکٹ ڈے گزشتہ دو سال سے زیادہ عرصے سے ہندوستان میں سرمایہ کاری کر رہا ہے۔

'ہم نے بنگلور میں آر اینڈ ڈی سنٹر شروع کیا ہے۔ ہم نے ابھی گجرات سے باہر ایک بڑے حصول کا اعلان کیا ہے تاکہ ہندوستان سے باہر اپنے مینوفیکچرنگ بیس کو تیز کیا جا سکے۔'