سشانت موت معاملہ: ممبئی پولیس سی بی آئی کے ساتھ تعاون کررہی ہے: دیکش مکھ

ممبئی، 5ستمبر (یو این آئی) مہاراشٹر کے وزیر داخلہ انل دیشمکھ نے سنیچر کو کہاکہ ممبئی پولیس سشانت سنگھ راجپوت موت معاملہ کی جانچ میں مرکزی تفتیشی بیورو (سی بی آئی) کے ساتھ مکمل تعاون کررہی ہے۔

مسٹر دیش مکھ نے کہاکہ سی بی آئی کی ٹیم معاملے کی جانچ کے سلسلہ میں گزشتہ 20اگست سے ممبئی ہے۔ اس سے پہلے معاملے کی تحقیقات ممبئی پولیس کررہی تھی۔

خیال رہے کہ بالی ووڈ



اداکار سشانت گزشتہ 14 جون کو ممبئی کے مضافاتی باندرا میں اپنے اپارٹمنٹ میں مردہ ملے تھے اور ممبئی پولیس اس معاملے کی تحقیقات کررہی تھی۔ سپریم کورٹ نے سی بی آئی کو اس ہائی پروفائل معاملہ کی تحقیقات کا کام اپنے ہاتھ میں لینے کا حکم دیا تھا۔ اس کے دو دن بعد سی بی آئی نے جانچ کا کام شروع کردیا۔ اس معاملہ نے اتنا طول پکڑلیا تھا کہ مہاراشٹر اور بہار حکومتوں کے مابین تلخی آگئی تھی۔