جنگ کا میدان بنی شاملی میونسپل میٹنگ

نئی دہلی، 29 ڈسمبر (ذرائع) اترپردیش کے شاملی میں میونسپل کونسل میٹنگ میں لات-گھونسے چلنے کا معاملہ سامنے آیا ہے- میونسپل کونسل کے کچھ ممبران میٹنگ کے دوران آپس میں لڑ پڑے۔ منظر عام پر آنے والی ویڈیو میں ڈبلیو ڈبلیو ای کے ریسلنگ میچ بھی ان کی لڑائیوں کے مقابلے میں پھیکے لگ رہے ہیں- ارکان نے ایک دوسرے پر خوب لات گھونسے برسائے، میٹنگ میں موجود لوگوں نے خود کو دوسروں سے بچانے کے لیے وہاں موجود میزوں تک کو اٹھا لیا، حد تو تب ہوگئی، جب ایک رکن نے کرسی پر چڑھ کر



دوسرے رکن کے اوپر کھودنے کی کوشش کی-

  یہ چونکا دینے والا واقعہ شاملی میونسپل کونسل کی بورڈ میٹنگ کے دوران پیش آیا۔ اس میٹنگ میں بلدیہ کے چیئرمین اروند سنگھل اور ایم ایل اے پرسنا چودھری بھی موجود تھے۔ یہاں تک کہ ان کے سامنے کارکن آپس میں لڑ پڑے۔ یہ پورا واقعہ ویڈیو میں قید کر لیا گیا۔ واقعہ کی ویڈیو سوشل میڈیا پر وائرل ہوتے ہی اپوزیشن کو جوابی کارروائی کا موقع مل گیا۔ اتر پردیش کے سابق وزیر اعلی اکھلیش یادو نے ایکس پر ویڈیو شیئر کرتے ہوئے بی جے پی پر سیدھا حملہ کیا۔