شاہ نے گجرات میں نو آکسیجن پلانٹوں کا افتتاح کیا

نئی دہلی ، 03 مئی (یو این آئی) مرکزی وزیر داخلہ امیت شاہ نے آج گجرات میں ولبھ یوتھ آرگنائزیشن کے ذریعہ لگائے گئے آکسیجن پلانٹوں کا ورچول افتتاح کیا۔

مسٹر شاہ نے بتایا کہ کورونا کی دوسری لہر کی وجہ سے وائرس نے بہت تیزی سے اپنی شکل بدلنا شروع کیا اور اس نے انسانی صحت کو بری طرح متاثر کیا۔ ہم سب کو بہت کم وقت میں اس پر قابو پانے اور اس کے معاملے کو کم کرنے میں اجتماعی کامیابی ملی ہے۔ اگر ہم اس کا تجزیہ کریں تو پھر بھی دنیا کے ترقی یافتہ ممالک میں یہ سسٹم خراب ہوتی ہوئی دکھی ، لیکن وزیر اعظم کی سربراہی میں ملک میں اس کے خلاف منصوبہ بندطریقہ سے لڑائی لڑی



گئی۔

انہوں نے بتایا کہ بہت سے لوگوں نے دوسری لہر میں اپنے قریبی لوگوں کو کھویا اور بہت سے لوگوں کو طویل عرصے تک اسپتال میں رہنا پڑا۔

انہوں نے اپنے قریبی کو کھونے والوں سے اظہار تعزیت کیا۔ انہوں نے کہا کہ جس طرح سے فرنٹ لائن کارکنان ، ڈاکٹروں ، نرسوں ، رضاکار تنظیموں اور رضاکاروں نے معاشرے اور بیمار لوگوں اور غریبوں کے لئے کام کیا ہے، وہ قابل تعریف ہے۔ ان کی وجہ سے ہی یہ لڑائی اس مرحلے پر پہنچی۔ جب مزدور اپنے گھروں کو لوٹ رہے تھے ، ہزاروں رضاکار تنظیموں نے ان کے کھانے ، پانی ، رہائش اور ان کی منزل مقصود تک آمد و رفت کے وسیع انتظامات کیے۔ تنہا حکومت یہ کام نہیں کرسکتی۔