سرمایہ کاروں کےلئے ’ آتم نربھر نیوشک متر پورٹل‘

نئی دہلی،13 مارچ (یواین آئی) حکومت ’انویسٹ انڈیا‘ پروگرام کے تحت ملک میں پائیدار سرمایہ کاری کو ممکن بنانے کےمقصد سے خصوصی شعبہوں کے سرمایہ کاروں کو ہدف بنانے اور نئی ساجھے داری کی ترقی پر توجہ مرکوز کرتے ہوئے’ آتم نربھر نیوشک متر پورٹل‘تیار کررہی ہے۔

صنعت و تجارت کی مرکزی وزارت نے آج یہاں بتایا کہ گھریلو سرمایہ کاری کو فروغ دینے کی کوششوں کو اور زیادہ مضبوط کرنے کے



مقصد سے گھریلو سرمایہ کاروں کو سہولت مہیا کرنے،اطلاعات کو نشر کرنے اور سہولت دینے کےلئے صنعت و تجارت کی وزارت کا صنعت اور داخلی تجارت کے فروغ کا محکمہ (ڈی پی آئی آئی ٹی) ’ آتم نربھر نیوشک متر پورٹل‘ کو حتمی شکل دینے کے عمل میں ہے۔ یہ پورٹل ابھی جائزے کے مرحلے میں ہے اور اس کا حتمی ایڈیشن 15 مئی 2021 تک تیار ہوجائےگا۔ بعد میں اس کا ویب پیج بھی مختلف علاقائی زبانوں اور موبائل ایپ پر مہیا ہوگا۔