سردار پٹیل کا کردار کثرت میں وحدت قائم کرنا تھا: چیف آف ڈیفینس

نئی دہلی، یکم نومبر (یو این آئی) چیف آف ڈیفنس اسٹاف (سی ڈی ایس) جنرل بپن راوت نے کہا کہ ایک ملک کے طور پر ہندوستان کے تصور میں سردار پٹیل کا کردار کثرت میں وحدت قائم کرنے کا رہا ہے، جس نے ہندوستان کو ایک ایسی طاقت کے طورپر ابھرنے میں تقویت فراہم کی جو اندرونی طاقت کی بنیاد پر کسی بھی چیلنج کا مقابلہ کرنے کے قابل ہے آزاد ہندوستان کے پہلے وزیر داخلہ سردار ولبھ بھائی پٹیل کے یوم پیدائش کے موقع پر پرسار بھارتی کے تحت آل انڈیا ریڈیو کی طرف سے سالانہ سردار پٹیل میموریل لیکچر میں خطاب کرتے ہوئےجنرل



راوت نے کہا کہ سردار پٹیل نے 565 ریاستوں کو ایک خود محتار ملک میں ضم کرنے کا مشکل کام انجام دیا۔

انہوں نے کہا کہ چانکیہ کے دور سے رائج حکمت عملی کو حوصلہ مند طریقے سے لاگو کرکے نوابی ریاستوں کے ساتھ اتفاق رائے پیدا کرنے میں سردار پٹیل کی کوششیں اہم تھیں۔

جنرل راوت نے کہا کہ انڈین ملٹری اکیڈمی کے تمام کیڈٹس اپنی تربیت ختم کرنے سے پہلے ایمانداری کا عہد کرتے ہیں۔ جو اس بات پر زور دیتی ہے کہ قوم کی سلامتی، عزت اور بہبود سب سے مقدم ہے۔ جبکہ ذاتی خوشی، راحت اور سلامتی کا مقام ہمیشہ آخری ہوتا ہے۔