جگن موہن ریڈی اور وجئے سائی ریڈی کو تلنگانہ ہائیکورٹ سے راحت

حیدرآباد15ستمبر(یواین آئی) آندھراپردیش کے وزیراعلی وائی ایس جگن موہن ریڈی اور حکمران جماعت وائی ایس آرکانگریس کے رکن پارلیمنٹ وجئے سائی ریڈی کو آج راحت حاصل ہوئی ہے کیونکہ تلنگانہ ہائی کورٹ نے برسراقتدار جماعت کے ناراض رکن پارلیمنٹ رگھوراما کرشنم راجو کی اس عرضی کو مسترد کردیا ہے جس میں انہوں نے ضمانت کی منسوخی کی عرضی کو سی بی آئی کی عدالت سے دوسری



عدالت منتقل کرنے کی خواہش کی تھی۔

رگھورام کرشنا نے ہائی کورٹ سے خواہش کی تھی کہ وہ سی بی آئی کی عدالت کے فیصلہ پر حکم التوا جاری کرے تاہم ہائی کورٹ جس نے بدھ کو اس معاملہ کی سماعت کی، جگن اور وجئے سائی ریڈی کی ضمانت کی منسوخی کی عرضی کو منتقل کرنے سے انکار کردیا اور راجو کی عرضی کو مسترد کردیا۔

سی بی آئی کی عدالت اس معاملہ میں جلد ہی فیصلہ سنائے گی۔