بیٹری سے چلنے والی گاڑیوں کو رجسٹریشن اور تجدید کی فیس سے چھوٹ دینے کی تجویز

نئی دہلی، یکم جون (یو این آئی) مرکزی حکومت نے گاڑیوں سے ہونے والی آلودگی کو کم کرنے کے واسطے متبادل توانائی کو فروغ دینے کے لئے بیٹری سے چلنے والی گاڑیوں کو رجسٹریشن اور تجدید کی فیس سے چھوٹ دینے کی تجویز پیش کی ہے۔

وزارت روڈ ٹرانسپورٹ و شاہراہ نے منگل کے روز یہاں جاری ہونے والے ایک بیان میں کہا کہ وزارت نے 27 مئی کو ایک نوٹیفکیشن جاری کیا ہے، جس کے تحت موٹر



وہیکل رولز 1989 میں ترمیم کرکے بیٹری سے چلنے والی گاڑیوں کو رجسٹریشن وغیرہ کی فیس سے مستثنیٰ رکھنے کی تجویز پیش کی گئی ہے۔

وزارت نے کہا ہے کہ اس سلسلے میں تجویز کی گئی ہے کہ بیٹری سے چلنے والی گاڑیوں کو رجسٹریشن سرٹیفکیٹ یعنی آر سی یا اس تجدید اور نئے رجسٹریشن کے لئے فیس سے چھوٹ ملنی چاہئے۔ اس بارے میں ایک ماہ کے اندر عوام اور اسٹیک ہولڈروں سے مشورے طلب کیے گئے ہیں۔