'طالبان کی حکومت کو تسلیم کرنے کا ابھی سوال ہی پیدا نہیں ہوتا'

نئی دہلی، 2 جون (یو این آئی) ہندوستان نے آج واضح کیا کہ ہندوستانی عہدیداروں کے دورہ افغانستان کو دونوں ممالک کے درمیان سفارتی رابطے کے طور پر نہیں سمجھا جاسکتا اور یہ کہ کابل میں ہندوستانی سفارت خانہ اپنی تعیناتی اور کام کاج معمول کے مطابق دوبارہ شروع کرنے کے سلسلے میں ابھی تک کوئی فیصلہ نہیں کیا ہے۔

اس کی وضاحت وزارت خارجہ کے ترجمان ارندم باگچی نے یہاں باقاعدہ بریفنگ



میں ہندوستانی ٹیم کے دورہ افغانستان سے متعلق سوالات کے جواب میں کی۔

انہوں نے کہا کہ وزارت خارجہ میں پاکستان، افغانستان اور ایران ڈویژن کے انچارج جوائنٹ سیکرٹری جے۔ پی سنگھ کی قیادت میں ایک کثیر رکنی ٹیم کابل میں ہے اور ٹیم طالبان کے سینئر اراکین سے بھی ملاقات کرے گی۔ وہ ان بین الاقوامی تنظیموں کے نمائندوں سے بھی ملاقات کریں گے جو انسانی امداد کی فراہمی اور تقسیم میں شامل ہیں۔