خاموشی اختیار کرکے بے روزگاری کی حقیقت چھپارہی ہے حکومت:پرینکا

نئی دہلی،27جنوری(یواین آئی)کانگریس جنرل سکریٹری پرینکا گاندھی واڈرا نے بے روزگاری کے سلسلے میں مودی حکومت پر حملہ کرتے ہوئے پیر کو کہا کہ اس مسئلے پر وہ سوالوں کا جواب نہیں دیتی اور خاموش رہ کر اصلیت پر پردہ ڈالنے کی کوشش کررہی ہے۔

محترمہ واڈرا نے ٹویٹ کیا ’’بڑے بڑے نام اور اشہارات کا نتیجہ ہے،تین کروڑ 64لاکھ بے روزگارلوگ۔تبھی تو حکومت نوکری پر بات کرنےسے کتراتی



ہے۔‘‘

بے روزگاری دور کرنے کےلئے حکومت پر وعدہ پورا نہ کرنے کا الزام لگاتے ہوئے انہوں نے بے روزگاری سے جڑے اعدادو شمار کے سلسلے میں چھپی ایک خبر پوسٹ کی ہے جس میں لکھا ہے کہ پانچ سال میں ملک کے سات اہم علاقوں میں 3.64کروڑ لوگ بےروزگار ہوئے ہیں۔

کانگریس جنرل سکریٹری نے کہا’’نوکریاں دینے کے تمام بڑے وعدوں کی حقیقت یہی ہے۔ملک کے سات بڑے علاقوں میں تقریباً ساڑھے تین کروڑ لوگ بے روزگار ہوگئے ہیں۔‘‘