رام دیو ایلوپیتھی تبصرہ معاملے میں سپریم کورٹ پہنچے

نئی دہلی ، 23 جون (یو این آئی) سوامی رام دیو نے ایلوپیتھی سے متعلق حالیہ متنازعہ ریمارکس کی وجہ سے ملک کی مختلف ریاستوں میں درج ایف آئی آر کو دہلی منتقل کرنے کے لئے سپریم کورٹ سے رجوع کیا ہے یوگا گرو سوامی رام دیو نے عدالت عظمیٰ میں ایک درخواست دائر کی ہے جس میں مختلف ریاستوں میں درج ایف آئی آر کے پیش نظر کسی بھی



کارروائی پر روک لگانے کا مطالبہ کیا ہے۔

بابا رام دیو نے مطالبہ کیا ہے کہ ملک کے مختلف حصوں میں درج کی جانے والی ایف آئی آر کو ایک ساتھ جوڑا جائے۔

اتنا ہی نہیں بلکہ انہوں نے انڈین میڈیکل ایسوسی ایشن (آئی ایم اے) کے پٹنہ اور رائے پور یونٹوں کے ذریعہ درج کئے گئے معاملے میں بھی کوئی سخت کارروائی نہ کرنے کا مطالبہ کیا ہے ۔