راجیہ سبھا نے پارلیمنٹ حملے میں شہید ہوئے سیکورٹی اہلکاروں کو خراج عقیدت پیش کیا

نئی دہلی، 13 دسمبر (یو این آئی) راجیہ سبھا نے آج پارلیمنٹ پر دہشت گردانہ حملے میں شہید ہونے والے سیکورٹی اہلکاروں کو خراج عقیدت پیش کیا۔

بدھ کو جیسے ہی ایوان کا اجلاس شروع ہوا، چیئر مین جگدیپ دھنگھڑ نے کہا کہ ایوان یہ 22 سال قبل جمہوریت کے مندر پر گھناؤ نے دہشت گردانہ حملے میں شہید ہونے



والے بہادر سیکورٹی اہلکاروں کو خراج عقیدت پیش کرتا ہے۔ انہوں نے کہا کہ ان سیکورٹی اہلکاروں نے اپنی بہادری سے دہشت گردوں کے حملے کو ناکام بنادیا۔ انہوں نے کہا کہ دہشت گردوں سے لڑتے ہوئے 9 سیکیورٹی اہلکار شہید ہوئے۔ ان سیکورٹی اہلکاروں نے فرض کی قربان گاہ پر اپنی جانوں کا نذرانہ پیش کر کے ایک مثال قائم کی۔