راجہ سبھا نے جموں و کشمیر اور لداخ میں انتظامی اصلاحات والےبل کو منظوری دی

نئی دہلی ، 8 فروری ( یواین آئی ) راجیہ سبھا نے ریاست جموں و کشمیر اور لداخ میں انتظامی اصلاحات سے متعلق جموں و کشمیر تنظیم نو (ترمیمی) بل 2021 کو پیر کو منظوری دے دی  وزیر مملکت برائے داخلہ جے کشن ریڈی نے ایوان میں مختصر بحث کا جواب دیتے ہوئے کہا کہ اس سے دونوں نو تشکیل شدہ مرکز کے زیر انتظام علاقوں کو ملک کے مرکزی دھارے میں شامل کرنے میں مدد ملے گی ۔ اپنے بیان میں مسٹر ریڈی نے جموں و کشمیر اور لداخ میں ترقیاتی کاموں کی تفصیلات بتائی ۔

یہ بل ایوان میں جمعرات کو جموں کشمیر تنظیم نو (ترمیم) آرڈیننس کی جگہ پیش کیا گیا تھا اور یہ جموں کشمیر تنظیم نو ایکٹ



2019 کی جگہ لے گا۔

اس بل میں پڈوچیری میں نافذ آئین کے آرٹیکل 239A کو جموں وکشمیر اور لداخ میں بھی لاگو کرنے کا التزام کیا گیا ہے ۔ اس کے علاوہ بل میں بھی تجویز پیش کی گئی ہے کہ جموں و کشمیر میں تعینات انڈین ایڈمنسٹریٹو سروس ، انڈین پولیس سروس اور انڈین فاریسٹ سروس کے افسران دونوں مرکز کے زیر انتظام علا قوں جموں و کشمیر اور لداخ م میں تعینات رہیں گے ۔ مستقبل میں دونوں علاقوں کے افسران ’ اروناچل پردیش ، گوا ، میزورم یونین ٹیریٹری کیڈر‘ سے آئیں گے۔ اس بل میں جموں و کشمیر کیڈر کا ’ اروناچل پردیش ، گوا ، میزورم یونین ٹیریٹری کیڈر‘ میں انضمام کا التزام کرتا ہے ۔