ریلوے نے آٹھ شتابدی، 2-2 راجدھانی، دُرنتو ٹرینیں روکیں

نئی دہلی، 06 مئی (یو این آئی) کووڈ وبا کے درمیان گاڑیوں میں بکنگ کم ہونے کے سبب نارتھ ریلوے 28 جوڑی اہم ٹرینوں کو نو مئی سے غیر معینہ مدت کے لیے بند کرنے کا فیصلہ کیا ہے۔ ان میں آٹھ جوڑی شتابدی، تین جوڑی جن شتابدی اور دو دو جوڑی راجدھانی اور دُرنتو ایکسپریس گاڑیاں شامل ہیں۔

نارتھ ریلوے کے ترجمان نے بتایا کہ زیادہ تر سیٹیں خالی رہنے کے پیش نظر نئی دہلی سے حبیب گنج بھوپال، چنڈی گڑھ۔ کالکا، امرتسر، دہرادون، کاٹھگودام جانے والی آٹھ جوڑی شتابدی ایکسپری گاڑیاں، حضرت نظام الدین سے بلاس پور اور چنئی جانے والی راجدھانی ایکسپریس، نئی دہلی سے دہرادون، کوٹ دوار اور



چنڈی گڑھ جانے والی جن شتابدی ایکسپریس، دہلی سے جموں توی اور پونے جانے والی دُرنتو ایکسپریس، نئی دہلی سے شری ماتا ویشنو دیوی کٹرہ جانے والی وندے بھارت ایکسپریس گاڑیاں بند رہیں گی۔

وسطی ریلوے نے بھی 23 جوڑی گاڑیوں کو ملتوی کرنے کا فیصلہ کیا ہے جن میں چھاترپتی شیواجی ٹرمینل-پونے شتابدی ایکسپریس، پونے-ناگپور اسپیشل، دادر سے شیرڈی سائیں نگر جانے والی دو اسپیشل ٹرینیں اور پنڑھپور اسپیشل گاڑی شامل ہیں۔ ان گاڑیوں کو جون کے آخری ہفتے تک کے لیے ملتوی کیا گیا ہے۔

کووڈ وبا کی دوسری لہر کے درمیان مختلف زونل ریلوے نے ڈیڑھ سو سے زائد گاڑیوں کے آپریشن کو فی الحال بند کیا ہے۔