نسل پرستی پر مبنی پوسٹیں : آسٹریلیائی پولیس افسر مستعفی

کینبرا،28فروری(یو این آئی)آسٹریلوی ریاست وکٹوریہ میں خفیہ نام سے نسل پرستی پر مبنی پوسٹیں سوشل میڈیا پر شیئر کرنے والے ایک سینئر پولیس اہل کار نے معاملہ سامنے آنے کے بعد استعفیٰ دے دیا ہے۔

اسسٹنٹ پولیس کمشنر بریٹ گیرن کے بارے میں معلوم ہوا تھا کہ وہ ایک اور نام سے سوشل میڈیا پر



متحرک تھا اور وہاں نسل پرستانہ، خواتین مخالف پوسٹیں اور فحش مواد شیئر کرتا تھا، اس کی توہین آمیز پوسٹوں میں ہندوستانیوں اور پاکستانیوں کے خلاف پوسٹیں بھی شامل تھیں۔

اس پولیس افسر کے خلاف 2006 میں بھی یہ شکایت کی گئی تھی کہ اس نے 30 پولیس افسران کے ایک گروپ سے خطاب میں گالیوں بھری زبان استعمال کی تھی۔