اپوزیشن کے ہنگامے کی وجہ سے لوک سبھا میں وقفہ سوالات متاثر

نئی دہلی، 31 جولائی (یو این آئی ) لوک سبھا میں مانسون اجلاس کے تیسرے ہفتے کے آغاز میں اپوزیشن ارکان کا ہنگامہ آج بھی جاری رہا، جس کی وجہ سے وقفہ سوالات کا کام نہیں ہو سکا اور اسپیکر اوم بر لانے ایوان کی کارروائی دوپہر 2 بجے تک ملتوی کر دی۔ جیسے ہی مسٹر بر لانے صبح 11.00 کے وقفہ سوال شروع کیا، اپوزیشن ارکان نے ہنگامہ شروع کر دیا اور وزیر اعظم نریندر مودی سے ایوان میں آنے اور منی پور تشدد پر جواب دینے کا مطالبہ کیا اور نعرے لگاتے ہوئے ایوان کے بیچ



میں آگئے۔ ہنگامہ کے درمیان مسٹر بر لانے ایوان کی کارروائی چلانے کی کوشش کی۔ اس دوران حکمراں جماعت کے ارکان کے ضمنی سوالات کے جوابات بھی متعلقہ وزراء نے دیے تاہم ہنگامہ آرائی جاری رہی جس کے باعث سوالات کے جوابات سنائی ہی نہیں دے رہے تھے۔ اسپیکر نے وقفہ سوالات کو روک دیا اور ہنگامہ کرنے والے ارکان کو پر سکون رہنے اور وقفہ سوالات جاری رکھنے کی تلقین کی تاہم جب ارکان کی نعرے بازی اور ہنگامہ آرائی جاری رہی تو انہوں نے ایوان کی کارروائی دوبجے تک ملتوی کر دی۔