نئی دہلی، 7 جنوری (یو این آئی)کانگریس کے سینئر لیڈر پرینکا گاندھی وڈرا نے پی ایف پر شرح سود کم کرنے پرخدشے کا اظہار کیا ہے محترمہ وڈرا نے منگل کو ایک ٹوئٹ میں کہا کہ ’’جب ملک میں جگہ جگہ تناؤ میں اضافہ ہوجائے تو سمجھ لیجئے کہ حکومت خاموشی کے ساتھ کوئی بڑا جھٹکا دینے والی ہے۔ ہندوستان کے ملازمین کی محنت کی
کمائی پر سود دیا جاتا ہے اب بی جے پی حکومت اس پر قینچی چلانے والی ہے۔ کیا اسی کو ’اچھے دن‘ کہتے ہیں۔
محترمہ وڈرا نے اپنے ٹوئٹ کےساتھ ایک خبر بھی پیش کی ہے۔ اس میں وزیر خزانہ کی ایک رپورٹ کا حوالہ دیتےہوئے پی ایف کی شرح سود کم کرنے کے تعلق سے خدشے کا اظہار کیا ہے۔ فی الحال پی ایف کی شرح سود پر 8.65 فیصد سالانہ سود ملتا ہے۔