پرینکا کا صحافیوں کے قتل کے سلسلے میں یوگی حکومت پر حملہ

نئی دہلی، 25 اگست (یو این آئی) کانگریس کی اترپردیش کی انچارج، جنرل سکریٹری پرینکا گاندھی نے ریاست کی یوگی حکومت پر صحافیوں کی سکیورٹی میں ناکام رہنے کا الزام لگاتے ہوئے کہا ہے کہ صحافیوں کی آزادی کے تعلق سے اس کا رویہ قابل مذمت ہے محترمہ گاندھی نے منگل کے روز کہا کہ صحافیوں کو سکیورتی دینے میں یہ حکومت ناکام ثابت ہورہی ہے اور اسی کا نتیجہ ہے کہ گزشتہ تین ماہ کے دوران ہر ماہ ایک صحافی کا قتل ہورہا ہے۔ انتظامیہ خود صحافیوں کے تئیں ناپسندیدہ رویہ اختیار



کئے ہوئے ہے اور اسی کا نتیجہ ہے کہ خبر لکھنے پر ریاست میں مسلسل صحافیوں کے خلاف ایف آئی آر درج کی جارہی ہیں۔

انہوں نے ریاست میں صحافیوں کے قتل کی تاریخ دیتے ہوئے ٹوئٹ کیا اور کہا کہ ’’19 جون ۔ مسٹر شبھم منی ترپاٹھی کا قتل، 20 جولائی مسٹر وکرم جوشی کا قتل، 24 اگست مسٹر رتن سنگھ کا قتل، بلیا۔ گزشتہ تین مہینوں میں تین صحافیوں کے قتل۔ گیارہ صحافیوں پر خبر لکھنے کے سبب ایف آئی آر درج۔ اترپردیش حکومت کا صحافیوں کی سکیورٹی اور آزادی کے سلسلے میں رویہ قابل مذمت ہے‘‘۔