ناسک کے حادثے پر وزیر اعظم اور وزیر داخلہ کا اظہار تعزیت

نئی دہلی، 21 اپریل (یو این آئي) وزیر اعظم نریندر مودی اور مرکزی وزیر داخلہ امت شاہ نے مہاراشٹر میں ضلع ناسک کے ایک اسپتال میں آکسیجن لیک ہونے کی وجہ سے ایک درجن مریضوں کی موت پر رنج وغم کا اظہار کیا ہے۔

مسٹر نریندرمودی نے بدھ کے روز ٹویٹ کیا کہ “ناسک کے ایک اسپتال میں آکسیجن ٹینک میں رساؤ کے سبب ہونے والا سانحہ اندوہناک ہے۔ اس کی وجہ سے جانوں کے ضیاع



پر میں بے حد رنجیدہ ہوں۔ مصیبت کی اس گھڑی میں متاثرہ کنبوں کے تئيں میری قلبی تعزیت"۔

مسٹر امت شاہ نے اپنے پیغام میں کہا کہ"ناسک کے ایک اسپتال میں آکسیجن لیک ہونےسے ہونے والے حادثے کی خبر سن کر بہت افسردہ ہوں۔ اس حادثہ میں لوگوں کی ہلاکت کے ناقابل تلافی نقصان پر گہرے رنج و غم کا اظہار کرتا ہوں۔ میں دوسرے تمام مریضوں کی صحت و عافیت کے لئے ایشور سے دعا گو ہوں"۔