کسانوں کی سہولت کے لیے بیج کے تعلق سے روڈ میپ تیار کریں : تومر

نئی دہلی ، 24 مئی (یو این آئی) وزیر زراعت نریندر سنگھ تومر نے کسانوں کو اچھے معیاری بیجوں کی وقت پر فراہمی کے لئے

مرکز کے ساتھ ریاستی حکومتوں کو مل کر دس پندرہ برسوں کا روڈ میپ تیار کرنے کی درخواست کی ۔

ملک کی آزادی کے امرت مہوتسو کے تحت ’سیڈ چین ڈیولپمنٹ‘ پرمنگل کے روز مسٹر تومر کی صدارت میں ایک قومی ویبینار کااہتمام کیا گیا۔ اس میں انہوں نے کہا کہ ملک کے کسانوں کی سہولت کے لیے مرکز کے ساتھ مل کر ریاستی حکومتوں کو دس پندرہ برسوں کا بلیو پرنٹ تیار کرنا چاہیے ۔ اس بات کو یقینی بنایا جائے کہ کسانوں کو اچھے معیار کے بیجوں کی بروقت فراہمی کی جائے



اور بلیک مارکیٹنگ اور نقلی بیج فروخت کرنے والوں کے خلاف ریاستی سرکاریں سختی سے پیش آئیں ۔

انہوں نے کہا کہ ہم سبھی بیج کی اہمیت جانتے ہیں ۔ بیج اچھا ہے تو مستقبل اچھا ہوتا ہے ۔ پھروہ چاہے انسان کی بات ہو یا کاشت کے لیے بیج کی ۔ کاشتکاری کے لیے اچھے بیجوں کی دستیابی سے کسانوں کی پیداواری صلاحیت اور آمدنی میں اضافہ ہوتا ہے، مجموعی گھریلو پیداوار (جی ڈی پی) میں زراعت کا تعاون بڑھتا ہے اور زراعت کے ساتھ ساتھ ملک کی معیشت کو تقویت ملتی ہے ۔ زراعت کی طاقت ملک کی طاقت بنے ، یہ کوشش مرکزی حکومت کی جانب سے کی گئی ہے اورجو کام رہ گیا ہے، وہ ہم سب کو مل کر پورا کرنا ہے۔