یوپی میں فرضی راشن کارڈ پر ظلم کرنے کا منصوبہ: کانگریس

نئی دہلی، 21 مئی (یو این آئی) کانگریس نے کہاکہ مفت راشن تقسیم کرنے کا ڈھنڈورا پیٹ کر ووٹ کی سیاست کرنے والی بھارتیہ جنتا پارٹی کا اتر پردیش میں فرضی راشن کارڈ کے نام پر غریبوں کو اذیت دینے کا منصوبہ ہے اور اس کے تحت غریبوں سے گندم ، چاول کی اونچی قیمت وصول کی جائے گی۔

کانگریس کی ترجمان سپریہ شرینیت نے ہفتہ کو یہاں پارٹی ہیڈکوارٹر میں ایک پریس کانفرنس میں کہا کہ حکومت، جو پہلے مفت راشن دینے کا ڈھنڈورا پیٹتی تھی، اب وصولی شروع کرنے کی پالیسی بنا رہی ہے۔ الیکشن ختم ہوتے ہی یوگی



حکومت لوگوں کے پیٹ پر لات مارنے کی تیاری کر رہی ہے۔ فرضی راشن کارڈ کے معاملے پر کرکی سے لیکر مقدمہ درج کرنے کے احکامات دیے جا رہے ہیں۔

اتر پردیش حکومت کے کچھ دستاویزات کا اشتراک کرتے ہوئے انہوں نے کہا کہ ضلع سپلائی افسران اور ضلعی عہدیداروں کی جانب سے کہا گیا ہے کہ اب وہی لوگ راشن کارڈ کے اہل ہوں گے جن کے پاس اپنی زمین، پکے مکان، بھینس، بیل، ٹریکٹر ٹرالی، موٹرسائیکل، مرغیاں اور گائے نہ پالتے ہوں ، کوئی سرکاری مالی امداد نہ ملتی ہو، بجلی کا بل نہ آتا ہو اور نہ ہی روزی کمانے کا کوئی ذریعہ ہو۔