جموں و کشمیر میں طاقت کے بل پر لوگوں کو ووٹ ڈالنے سے روکا جارہا ہے: عمر عبداللہ

سری نگر، 11 دسمبر (یو این آئی) نیشنل کانفرنس کے نائب صدر اور سابق وزیر اعلیٰ عمر عبداللہ نے انتظامیہ پر لوگوں کو ووٹ ڈالنے سے باز رکھنے کا الزام عائد کرتے ہوئے کہا ہے کہ جموں و کشمیر میں موجودہ انتظامیہ ڈی ڈی سی انتخابات میں لوگوں کو ووٹ ڈالنے سے روک رہی ہے انہوں نے کہا کہ ایک زمانہ ایسا تھا کہ جب



جموں و کشمیر کیں حکومتیں انتخابات میں اچھی شرح ووٹنگ پر فخر کرتی تھیں لیکن آج یہی حکومتیں لوگوں کو ووٹ ڈالنے سے روک رہی ہے۔

ان کا کہنا تھا کہ مرکزی حکومت کے ’نیا کشمیر‘ تعمیر کرنے کے طور طریقے کچھ عجیب وغریب ہیں۔

موصوف نے ان باتوں کا اظہار جمعے کے روز اپنے ایک ٹویٹ میں کیا۔