معدنیات اور کان کنی سے متعلق ترمیمی بل پر پارلیمنٹ کی مہر

نئی دہلی، 22 مارچ (یو این آئی) راجیہ سبھا نے معدنیات اور کانکنی کے حقوق کو آسان اور شفاف بنانے اور شعبہ میں ہونیوالی باضابطگیوں کو روکنے والے ’معدنیات اور کان کنی (ڈیولپمنٹ اینڈ ریگولیشن) ترمیمی بل 2021‘کو پیر کو صوتی ووٹ سے منظور کردیا۔

اس کے ساتھ ہی اس بل پر پارلیمنٹ کی مہر لگ گئی۔ لوک سبھا اسے پہلے ہی منظورکرچکی ہے۔ کانگریس سمیت اہم اپوزیشن جماعتوں نے اس بل کو سلیکٹ کمیٹی



کو بھیجنے کی مانگ کی اور اس پر سنجیدہ تبادلہ خیال ضروری بتایا لیکن حکومت نے اسے خارج کردیا۔ اس بل سے کانکنی اور معدنیات (ڈیولپمنٹ اینڈریگولیشن) ایکٹ 1957میں ترمیم کی گئی ہے۔

کوئلہ اور کانکنی کے وزیر پرہلاد جوشی نے بل پر ہوئی بحث کا جواب دیتے ہوئے کہا کہ اس بل کو منظور کرنے کا مقصد معدنیات اور کوئلہ کانکنی حقوق کی نیلامی کے عمل کی تجدید، مزید شفاف بنانا اور روزگار کے مواقع پیدا کرنا ہے۔