انفرادی استعمال کےلئے آکسیجن کنسنٹریٹر کی درآمدات فیس ختم

نئی دہلی،یکم مئی (یواین آئی) حکومت نے انفرادی استعمال کےلئے آکسیجن کنسنٹریٹر کی درآمدات فیس ختم کرنے کا اعلان کیا ہے۔

تجارت و صنعت کی مرکزی وزارت نے ہفتے کو یہاں بتایا کہ اس سلسلے میں نوٹیفکیشن جاری کردی گئی ہے۔

حکومت کے اس فیصلے سے گھریلو سطح پر آکسیجن کنسنٹریٹر کی فراہمی بڑھانے میں مدد ملے گی۔

نوٹیفکیشن کے مطابق حکومت کنسنٹریٹر کو درآمدات فیس سے



آزاد اشیا کی فہرست میں شامل کیا ہے ۔ اسسے ای کامرس ،ڈاک یا کوریئر سے آکسیجن کنسنٹریٹر غیرملکوں سے ہندوستان میں منگوایا جا سکتا ہے اور اس پر کوئی فیس نہیں دینی ہوگی۔ کسٹم ڈیوٹی میں اسے ’تحفہ‘ کے زمرے کے تحت چھوٹ ملے گی۔

نوٹیفکیشن میں کہا گی اہے کہ یہ چھوٹ 31 جولائی،2021 تک موثر رہے گی۔

غیر ملکی تجارت ڈائریکٹوریٹ نے اس کےلئے غیر ملکی تجارت پالیسی 20-2015 میں تبدیلی کی ہے۔