اپوزیشن کے ارکان پارلیمنٹ کو پارلیمنٹ سے باہر کردیا گیا، اس پر بات نہیں ہو رہی: راہل گاندھی

نئی دہلی، 20 ڈسمبر (ذرائع) کانگریس کے سابق صدر راہل گاندھی نے چہارشنبہ کو کہا کہ اپوزیشن کے تقریباً 150 ممبران پارلیمنٹ کو پارلیمنٹ سے باہر کردیا گیا، لیکن ترنمول کانگریس کے ممبر پارلیمنٹ کلیان بنرجی کے ذریعہ نائب صدر جگدیپ دھنکھر کی نقل کرنے سے متعلق اس تنازعہ پر کوئی بحث نہیں ہو رہی ہے۔

راجیہ سبھا کے چیئرمین جگدیپ دھنکھر نے پارلیمنٹ کے احاطے میں ترنمول کانگریس کے رکن



پارلیمنٹ کے ذریعہ ان کی نقل اتارے جانے پر ناراضگی ظاہر کرتے ہوئے ایوان بالا میں کہا کہ پارلیمنٹ کے احاطے میں ان کی نقل کرکے کسان برادری اور ان کی ذات (جاٹ) کی توہین کی گئی ہے۔

راہل گاندھی نے نامہ نگاروں سے کہا، "توہین کس نے کی، وہاں ایم پی بیٹھے تھے، میں نے انکا ویڈیو بنا لیا۔ میرا ویڈیو میرے فون میں ہی ہے، میڈیا دیکھا رہا ہے، میڈیا کہے رہا ہے، مودی جی کہے رہے ہیں، کسی اور نے کچھ نہیں کہا-