اپوزیشن غیر متعلق ہوگئی ہے، مظاہرہ صرف برائے مخالفت ہے:مودی

نئی دہلی، 29 ستمبر (یواین آئی) وزیراعظم نریندر مودی نے اپوزیشن پارٹیوں بالخصوص کانگریس کو ہدف تنقید بناتے ہوئے منگل کو کہا کہ یہ لوگ کسانوں، نوجوانوں اور بہادر جوانوں کے ساتھ نہیں ہیں۔ یہ صرف برائے مخالفت ’مظاہرہ‘ کرنے کی وجہ سے غیر متعلق ہوتے جارہے ہیں۔

مسٹر مودی نے ویڈیو کانفرنسنگ کے ذریعہ سے ’نمامی گنگے مشن‘ کے تحت ہری دوار، رشی کیش اور بدری ناتھ میں چھ بڑے منصوبوں کا



افتتاح کرنے کے بعد کہا کہ آج یہ لوگ فصلوں کی کم از کم سپورٹ قیمت (ایم ایس پی) پر بھی مغالطہ پھیلارہے ہیں۔ ملک میں ایم ایس پی بھی رہے گا اور کسان کو ملک میں کہیں بھی فصل بیچنے کی آزادی ہوگی۔ لیکن یہ آزادی کچھ لوگ برداشت نہیں کرپارہے ہیں۔

برسوں تک ایم ایس پی کے نفاذ کرنے کی بات کی جاتی رہی لیکن اسے نفاذ نہیں کیا گیا۔ ان کی حکومت نے سوامی ناتھن کمیشن کے مطابق ہی ایم ایس پی کا نفاذ کیا ہے۔